რამდენი ფერის ბოსტნეული უნდა იყოს თქვენს თეფშზე? - არუნ ხათრი გვირჩევს

ინდოელი მკურნალი, აიურვედას სპეციალისტი არუნ ხათრი ქართველ გამომწერებს ჯანმრთელობისათვის სასარგებლო რჩევებს ხშირად უზიარებს.

არუნ ხათრის რჩევებში ხშირად ვხვდებით მოწოდებებს კვებითი რაციონის უჯრედისით შევსების შესახებ.

ამჯერად მკურნალის ყურადღებას ფერად ბოსტნეულზე ამახვილებს და დეტალურად განიხილავს, თუ რატომ უნდა იყოს ჩვენს თეფშზე მინიმუმ 3 ფერის ბოსტნეული.

"მიირთვით ფერადი ბოსტნეული - დაიცავით თქვენი ჯანმრთელობა!

ჯანმრთელობის გასაუმჯობესებლად ერთ-ერთი ყველაზე მარტივი ნაბიჯია ყოველდღიურად თეფშის ფერადი ბოსტნეულით შევსება.

ბუნებამ თითოეულ ფერს უნიკალური სასარგებლო ნივთიერებები მიანიჭა, რომლებიც ერთად ზრუნავენ თქვენი ორგანიზმის ჯანმრთელობაზე.

მწვანე ბოსტნეული მდიდარია ქლოროფილით, ფოლატით, მაგნიუმითა და K ვიტამინით, რომლებიც ხელს უწყობს ღვიძლის, ძვლებისა და მთელი ორგანიზმის ჯანმრთელობას.

წითელი ბოსტნეული, როგორიცაა პომიდორი და წითელი ბულგარული წიწაკა, შეიცავს ძლიერ ანტიოქსიდანტებს, მათ შორის ლიკოპენს. ეს ნივთიერებები იცავს უჯრედებს ოქსიდაციური სტრესისგან და ხელს უწყობს გულის ჯანმრთელობას.

ღია ფერის ბოსტნეული, როგორიცაა კიტრი, ორგანიზმს ამარაგებს წყლით, მინერალებითა და ბოჭკოთი (ბოჭკოვანი ნივთიერებებით), თანაც დაბალკალორიულია.

ბოსტნეულის ნათელი ფერები განპირობებულია ანტიოქსიდანტებით — ბუნებრივი ნივთიერებებით, რომლებიც ებრძვიან თავისუფალ რადიკალებს. თავისუფალი რადიკალების სიჭარბემ დროთა განმავლობაში შეიძლება დააჩქაროს დაბერება და გაზარდოს მრავალი ქრონიკული დაავადების განვითარების რისკი.

ბოსტნეული ასევე ბოჭკოს (ფაიბერის) ერთ-ერთი საუკეთესო წყაროა. ბოჭკო კვებავს ნაწლავში არსებულ სასარგებლო ბაქტერიებს, აუმჯობესებს საჭმლის მონელებას, ხელს უწყობს სისხლში შაქრისა და ქოლესტერინის დონის რეგულირებას და დიდხანს გვანარჩუნებს დანაყრებულს. ჯანმრთელი ნაწლავი კი ძლიერი იმუნიტეტისა და კარგი ჯანმრთელობის საფუძველია.

ეცადეთ, ყოველდღიურად თქვენს თეფშზე 3–5 სხვადასხვა ფერის ბოსტნეული იყოს. რაც უფრო მრავალფეროვანია თქვენი კვება, მით უფრო მეტ ვიტამინს, მინერალს, ანტიოქსიდანტსა და სასარგებლო მცენარეულ ნივთიერებას იღებს თქვენი ორგანიზმი," - გვირჩევს არუნ ხათრი.