"რას არ დავთმობდი, ერთხელ მაინც რომ შემეძლოს შენი ჩახუტება" - ბერი ანდრიას დედის ემოციური პოსტი

ბერია ანდრია მილორავა 32 წლის გახდებოდა. უძლურებაში მყოფი 17 წლის ბიჭი, ბერ-მონაზვნად, საწოლში აღიკვეცა. იშვიათ დაავდებას ებრძოდა. რწმენაში მყოფს დრტვინვა არ ჰქონია. ძლიერ ტკივილებს იშვიათი მამაცობით უმკლავდებოდა.

მას შემდეგ 15 წელი გავიდა... ბერის დედა, თინათინ ჩხვიმიანი მარტყოფის მონასტრის ხშირი სტუმარია. მიზეზი ერთია, ტაძრის ეზოს შესასვლელში მისი შვილის სამუდამო განსასვენებელია... საფლავზე გადაღებული ეს ფოტოს გუშინდელია.

"32 წლის იუბილეს გილოცავ, დე. უშენობა ამ ქვეყნად უმძიმესია, დე!

რას არ დავთმობდი, ერთხელ მაინც რომ შემეძლოს შენი ჩახუტება...

პირველის ერთ წუთზე იცოდი მოლოცვა ყველა დღესასწაულის, დაბადების დღის მოლოცვა განსაკუთრებულად გიყვარდა, ვერავინ დაგასწრებდა...

ჩვიდმეტი ბედნიერი წელი შენთან ერთად და თხუთმეტი ტკივილით სავსე წელი შენს გარეშე..." - წერს დედა თინათინი ფესიბუქზე.