რას ნიშნავს გამოთქმა „ბეწვის ხიდზე გაიარა“?

ბეწვის ხიდზე გაიარა - ეს გამოთქმა ხშირად გვესმის, როცა ადამიანი სარისკო საქმეს შეჭიდება ან მძიმე განსაცდელს გაივლის.

გამოთქმა სათავეს ბიბლიიდან იღებს.

ბიბლიური გადმოცემის მიხედვით, ვიდრე ადამიანი სამოთხეში ან ჯოჯოხეთში შევა, მან ადუღებული კუპრის ზღვაზე გადებული ბეწვივით წვრილი და ფაქიზი ხიდი უნდა გაიაროს.

თუ ცოდვილია, ხიდი ჩატყდება, ადამიანი ადუღებულ კუპრში ჩავარდება და სამუდამოდ იქ დარჩება, ხოლო თუ კეთილია და უცოდველი, თავისი კეთილი საქმეები მხარში შეუდგება და მშვიდობიანად გაიყვანს მეორე ნაპირზე.

აქედან იქცა „ბეწვის ხიდი“ ძნელი საქმის, გასაჭირის გადალახვის სიმბოლოდ.