რას ნიშნავს გამოთქმა „პიროსის გამარჯვება“?

“პიროსის გამარჯვება” ეს ფრაზეოლოგიზმი აღნიშნავს გამარჯვებას ისეთი დანაკარგებით, რომელიც აბათილებს გამარჯვებით მოპოვებულ უპირატესობას.

გამოთქმა უკავშირდება ძველბერძნულ მმართველსა და სარდალს პიროსს. ძვ.წ. III საუკუნეში პიროსი რომის რესპუბლიკას ებრძოდა და რამდენიმე მნიშვნელოვან ბრძოლაში მართლაც გაიმარჯვა. თუმცა ეს გამარჯვებები კატასტროფულად ძვირი დაუჯდა - დაკარგა საუკეთესო ჯარი, გამოცდილ მებრძოლები და რესურსი.

ლეგენდის მიხედვით, ერთ-ერთი ბრძოლის შემდეგ მან თქვა: „კიდევ ერთი ასეთი გამარჯვება და დავიღუპებით.“

გამოთქმა დღესაც აქტუალურია, რადგან ის იდეალურად ერგება თანამედროვე ცხოვრებას.

გამოთქმას ხმარობენ ბიზნესში - როცა კომპანია კონკურენტს აჯობებს, მაგრამ ფინანსურად ძალიან იზარალებს;

პოლიტიკაში - როცა ხმაურიან გამარჯვებას, საზოგადოების ნაწილის მხარდაჭერის დაკარგვა მოჰყვება;

ურთიერთობებში - როცა კამათში „გამარჯვების“, შემდეგ ურთიერთობა ინგრევა;

კარიერში - როცა მიზნის მიღწევა ჯანმრთელობის ან პირადი ცხოვრების ფასად ხდება.

გამოთქმა „პიროსის გამარჯვება“ გამოიყენება მაშინ, როცა გამარჯვება იმდენად ძვირად გვიჯდება, რომ საბოლოოდ მარცხის ტოლფასია. ეს ის შემთხვევაა, როცა დაფიქრება გვიწევს, ღირს თუ არა ყოველი გამარჯვება ფასად, რომელსაც ვიხდით.