რას ნიშნავს გამოთქმა „პური და სანახაობა“?

გამოთქმა „პური და სანახაობა“ გამოიყენება მაშინ, როცა ვსაუბრობთ ხელისუფლების ან სისტემის მცდელობაზე, ხალხის ყურადღება რეალური პრობლემებიდან გადაიტანოს და იაფი გართობითა და მინიმალური სოციალური უზრუნველყოფით გადაფაროს.

გამოთქმის სათავე ძველ რომში უნდა ვეძებოთ. ლათინურად ის ასე ჟღერს Panem et circenses - ანუ პირდაპირი თარგმანით „პური და ცირკი“.

ძველ რომში ეს გამონათქვამი სახელმწიფო მოღვაწეთა პოლიტიკის დასახასიათებლად გამოიყენებოდა, რომლებიც პლებეებს რომ მოისყიდდნენ ფულის და პროდუქტების დარიგებით, საცირკო სანახაობებითაც (გლადიატორული ბრძოლები) ცდილობდნენ მათი კეთილგანწყობის მოპოვებას და ხელისუფლებას ასე ინარჩუნებდნენ.

“მიეცით ხალხს პური და სანახაობა და ისინი არ აჯანყდებიან,“- “ - ამბობდა რომაელი სატირიკოსი იუვენალისი და ასე ახასიათებდა გაიუს ოქტავიანე ავგუსტუსის მმართველობას.

თანამედროვე პოლიტიკურ ლექსიკონში ეს გამოთქმა სწორედ არჩევნების წინ ამომრჩეველთა მოსყიდვასა და პოპულიზმს გულისხმობს.