რას ნიშნავს გამოთქმა „ყურებზე ხახვი არ დამაჭრა“ ?

“ყურებზე ხახვი არ დამაჭრა” - ეს გამოთქმა დაახლოებით ასეთ შინაარსს ატარებს - "ვერაფერს დამაკლებ, არ მეშინია შენი, ვერაფერსაც ვერ მიზამ..."

გამოთქმა უკავშირდება ჩვეულებას, რომლის მიხედვითაც, ზოგიერთ ეპოქაში, მონებს, ურჩ ყმებს ან დამნაშავეებს სასჯელის სახით ყურს აჭრიდნენ, ხოლო მოჭრილი ადგილის შესახორცებლად ხახვს ადებდნენ.

ხახვი ოდითგანვე ერთ-ერთ უძლიერეს სამკურნალო საშუალებად ითვლებოდა. ის იყო როგორც ანტისეპტიკი გარეგანი ჭრილობების დასამუშავებლად, ასევე იმუნიტეტის გასაძლიერებელი საკვები.

ამიტომაც, მაშინ როცა მედიცინა, მით უმეტეს მედიკამენტური მკურნალობა კარგად განვითარებული არ იყო, მოჭრილ ყურებზე ხახვის დადება ჩვეულებრივ ამბად ითვლებოდა.

ხოლო გამოთქმა - “ყურებზე ხახვი არ დამაჭრა”, დღეს ამ დატვირთვით იხმარება - „ვერ დამიმონებ, ვერაფერს დამაკლებ.“