რატომ არ გახდა ნინო ანანიაშვილის ქალიშვილი ბალერინა - "მამამ გამომიცხადა, რომ..."

ნინო ანანიაშვილის და გრიგოლ ვაშაძის 20 წლის ქალიშვილი, ელენე ვაშაძე ეკა ხოფერიას იუთუბ გადაცემაში გამოჩნდა. პროფესიით ბიოქიმიკოსი, ბიოინჟინერი ელენე გამოტყდა, რომ ბალერინობა სურდა, თუმცა ეს ოცნებად დარჩა.

ელენე ვაშაძე: სმენა მაქვს, ცხრა წელი ვისწავლე მუსიკალურ სასწავლებელში. თუმცა რატომღაც სულ სხვა გზა ავირჩიე.

მინდოდა ბალერინობა და ამას ოჯახში ვამბობდი, მაგრამ მამაჩემმა გამომიცხადა, ერთი ბალერინაც საკმარისია ოჯახშიო. ფიგურაც არ მიწყობდა დიდად ხელს.

მინდა ნინოს დავეხმარო და და მუზეუმი გავაკეთოთ. ეს ჩემი ოცნებაა. რომ ვუყურებ სახლში კოსტიუმებს, პუანტებს, სულ მენანაება, რომ კარადაში კიდია უბრალოდ. მინდა ახალი სიცოცხლე შეიძინოს.

ბავშვობიდან ჩართული ვარ ნინოს საქმიანობაში, სულ მაინტერესებს შიდა სამზარეულო. დასის წევრების სახელები ვიცი, რას ცეკვავენ ვიცი. პარტნიორთან ერთად გადაღბულ ფოტოს რომ მაჩვენებდა ნინო, ვიცოდი რომელი სპექტაკლიდან იყო.