რატომ არ უნდა დავლიოთ წყალი ჭამის დროს?

დილით ერთი ჭიქა წყლის დალევა სასარგებლოა — ამით ორგანიზმი წყლის ბალანსს დროულად შეივსებს, შემცირდება სისხლის სიბლანტე და გაუმჯობესდება სისხლის მიმოქცევა, აცხადებენ მეცნიერები.

რა შეცდომებს უშვებენ ადამიანები წყლის დალევისას, რაც შეიძლება ორგანიზმისთვის „ნელი მოქმედების ბომბიც“ კი გახდეს?

შეცდომები და შესაბამისი რეკომენდაციების ჩამონათვალი ასე გამოიყურება:

• არ არის რეკომენდებული წყლის ძალიან სწრაფად დალევა. ეს სისხლის სწრაფ გათხელებას და გულს ზედმეტად გადატვირთავს იწვევს. გულ-სისხლძარღვთა დაავადების მქონე ადამიანებში, ამან შეიძლება გულის შეტევაც გამოიწვიოს. გარდა ამისა, უზმოზე ბევრი წყლის დალევა კუჭის მჟავას ათხიერებს, რაც საჭმლის მონელების პროცესზე აისახება და დროთა განმავლობაში შეიძლება კუჭის დაავადებებიც გამოიწვიოს. რეკომენდებულია ერთ ჯერზე არაუმეტეს 150 მილილიტრი წყლის (დაახლოებით ნახევარი ჭიქა) ნელ-ნელა, მცირე ყლუპებით დალევა.

• პირველი ჭიქა წყალი არ შეიძლება ჩაანაცვლოთ რძით, ყავით, წვენებითა და მინერალური წყლით. ეს არ შეავსებს სითხის ბალანსს, სამაგიროდ გამოიწვევს საჭმლის მონელების პროცესის დაწყებას, რაც უარყოფითად იმოქმედებს კუჭ-ნაწლავის ტრაქტის ჯანმრთელობაზე. ამ სასმელების ნაწილს შარდმდენი მოქმედება აქვს და ორგანიზმში სითხეს კიდევ მეტად ამცირებს.
• არ დალიოთ მარილიანი წყალი. ეს ზრდის არტერიულ წნევას. გარდა ამისა, მოიმატებს თქვენ მიერ ყოველდღიურად მოხმარებული მარილის რაოდენობა, რაც თირკმლებზე დატვირთვას გაზრდის.
• მათ, ვისაც ყაბზობა (შეკრულობა) აწუხებს, შეუძლიათ თაფლიანი წყალი დალიონ. თაფლი უნდა გაზავდეს ცივ ან თბილ წყალში და არა - მდუღარეში.
• გადადუღებული წყალი საუკეთესო არჩევანია ადამიანთა უმრავლესობისთვის, რადგან არ შეიცავს შაქარსა და მარილს და არ გამოიწვევს თირკმლებისა და გულ-სისხლძარღვთა სისტემის დატვირთვას.
• არ არის რეკომენდებული ძალიან ცივი ან ძალიან ცხელი წყლის დალევა. ზედმეტად ცივი სასმელი ასტიმულირებს კუჭ-ნაწლავის ტრაქტს, სწრაფად ავიწროებს კუჭის ლორწოვანი გარსის სისხლძარღვებს. ამან შეიძლება დისკომფორტი და დიარეა გამოიწვიოს. ცხელი წყალი აზიანებს საყლაპავის ნაზ გარსს და შეიძლება კიბოს წარმოქმნის მიზეზი გახდეს.

სითხის დალევა, რომლის ტემპერატურა 65 გრადუსს აღემატება, დამწვრობას იწვევს. თუ ეს რეგულარულად ხდება, ნადგურდება უჯრედის ნორმალური სტრუქტურა, რის შემდეგაც ვითარდება ავთვისებიანი წარმონაქმნები. იმისათვის, რომ არ გაღიზიანდეს კუჭის ლორწოვანი გარსი, წყლის ტემპერატურა უნდა იყოს არაუმეტეს 50 გრადუსისა.

ჭამის დროს წყალი საზიანოა. წყალი ჭამამდე 30 წუთით ადრე დავლიოთ. ამასთან ის არ უნდა იყოს გადადუღებული.

მედიკოსების თქმით, ღეჭვის დროს ადამიანი გამოყოფს ნერწყვს, რომელიც საჭმლის მომნელებელ ფერმენტებს შეიცავს. ეს ფერმენტები შლის ნახშირწყლებს და კლავს პათოგენურ და ორგანიზმისთვის სახიფათო ბაქტერიებს.

წყალი მხოლოდ მას შემდეგ შეიძლება დააყოლოთ საკვებს, რაც ლუკმას კარგად დაღეჭავთ და გადაყლაპავთ. ასეთ შემთხვევაში სითხე და საკვები კუჭში ერთმანეთთან არ „გადაიკვეთებიან“.

იმ შემთხვევაში, თუ საჭმელს წყალს დააყოლებთ, ლუკმას უფრო სწრაფად, ანუ დაუღეჭავად გადაყლაპავთ. ეს კი, გარდა იმისა, რომ ზედმეტად ტვირთავს კუჭს, ნერწყვსაც უშლის ხელს – შეასრულოს თავისი ფუნქცია.

მოკლედ, ნუ დალევთ წყალს მანამდე, სანამ საკვებს არ დაღეჭავთ და სანამ ის ნერწყვში არ აერევა. როგორც უკვე ვთქვით, ნერწყვი საჭმლის მონელებისთვის საჭირო ფერმენტებს შეიცავს და ის წყლით არ უნდა გაანეიტრალოთ. თუ მის მიღებას ორგანიზმი გთხოვთ, დალიეთ მხოლოდ ლუკმის გადაყლაპვის შემდეგ.