რატომ არ უნდა დავლიოთ ყავა უზმოზე?

დადგენილი "წესის" თანახმად, ყავა დილით აუცილებლად უნდა დალიო, რომ გამოფხიზლდე. ეს თქვენი განწყობაა და ორგნიზმსაც აჯერებთ, რომ ყავა აფხიზლებს. არადა, პირველი, რაც ღამით გამომშრალ ორგანიზმს ესაჭიროება, ეს წყალია.

მშიერ კუჭზე მირთმეული ყავა კუჭის ლორწოს აღიზიანებს, რამაც შესაძლოა გასტრიტამდე მიგვიყვანოს. დილაობით ყავა არც ღვიძლისთვისაა მარგებელი. უზმოზე მიღებული ყავა გონების ეფექტურ მუშაობასაც აფერხებს, ზრდის დეპრესიას და დაღლილობას, რადგან ამ დროს ნაკლებად გამოიყოფა ბედნიერების ჰორმონი - სეროტონინი. თურმე, მადის დაქვეითებასაც იწვევს. ეს შესაძლოა "გაწყობდეთ", თუმცა როცა ამდენი მინუსი აქვს უზმოზე ყავის დალევას, მის შეცვლაზე უნდა დაფიქრდეთ.

სრულფასოვანი და დაბალანსებული საუზმის შემდეგ შეგიძლიათ დატკბეთ ყავის არომატით. ბურღული, ბოსტნეული, კვერცხი, ხილი - ჩართეთ დილის რაციონში და ყავაზე შემდეგ გადადით.

საინტერესო ფაქტები:

• ყავა ხილია: ყავა ეგზოტიკური კენკროვანი მცენარეა, რომლის სამშობლოდ ეთიოპია ითვლება.
• არაბიკა vs რობუსტა: არაბიკა უფრო არომატულია, ხოლო რობუსტა შეიცავს 60%-ით მეტ კოფეინს და უფრო მწარეა.
• კლიმატის გავლენა: გლობალური დათბობის გამო, მეცნიერები ვარაუდობენ, რომ XXI საუკუნის ბოლოსთვის ყავის ხეების მასობრივი განადგურების გამო ყავა შესაძლოა გაქრეს.
• Euronews წერს, რომ XXI საუკუნის მეორე ნახევარში მსოფლიოში ყავის მოსავლის რაოდენობის შემცირდება, ფასი კი გაიზრდება. გამოცემის მიხედვით, აუცილებელი გახდება ყავის ხეების დასარგავად სხვა ქვეყნებში ალტერნატიული ტერიტორიების გამოძებნა ან არსებული ნარგავებისთვის ახალი ტექნოლოგიებით სათანადო პირობების შექმნა.

. ფრეში (ახალი) ყავა: უმჯობესია ყავის მარცვლები მოდუღების წინ დაფქვათ, რათა არომატი არ დაიკარგოს.

• შენახვის ვადა: ყავის მარცვლების იდეალური შენახვის ვადა დაახლოებით 3 კვირაა.
• პროპორციები: ოპტიმალური გემოსთვის რეკომენდებულია 17 გრამი ყავა (დაახლოებით 3 ჩაის კოვზი) 260 მლ წყალზე.
• ჭურჭელი: უმჯობესია გამოიყენოთ სქელკედლიანი ფინჯანი, რათა ყავამ დიდხანს შეინარჩუნოს ტემპერატურა. [1]