რისგან მზადდება "კრაბის ჩხირები"?

კვების პროდუქტების ბაზარზე, ხშრად გვხვდება საკვები, რომლის სახელწოდება და რეალური შემადგენლობა, ერთმანეთისგან სრულიად განსხვავდება.

ასეთ პროდუქტებს შორისაა ჩენში საკმაოდ პოპულარული და ხშირად მოხმარებადი ინგრედიენტი კრაბის ჩხირები.

სურსათის უვნებლობის სპეციალისტი ირაკლი არაბული განმარტავს, თუ რა ინგრედიენტებისგან მზადდება რეალურად ეს პროდუქტი და რატომ არ უნდა ვეძებოთ მასში ნამდვილი კრაბის ხორცი.

„კრაბის ჩხირები ფართოდ გავრცელებულ და ბევრისთვის საყვარელ პროდუქტს წარმოადგენს, მაგრამ მის შემადგენლობაში საერთოდ არ არის კრაბის ხორცი.

მისი ძირითადი ინგრედიენტები არის ცურიმი, სახამებელი და სხვადასხვა თევზეულის ფარში და მათ შორის საერთოდ არ არის კრაბი.

ჩხირი შედგება სხვადასხვა თევზეულის ფარშისგან, კრაბის არომატიზატორისგან, გემოსა და არომატის გასაძლიერებლებისგან და სხვა საკვები დანამატებისგან. ხოლო წითელი ფერი საკვები საღებავის საშუალებით აქვს მიცემული,“ - განმარტავს სურსათის უვნებლობის სპეციალისტი.