"წარმატება ქინძისთავზე და ქინძისთავიდან - ჩემთან!“ - ეზოთერიკოსი გვირჩევს

ეზოთერიკოსი, ფსიქო-მინეროლოგი თამუნა იოსელიანი გამომწერებს ერთ მაგიურ რიტუალს აცნობს, რომელიც წარმატების მიღწევას უწყობს ხელს.

ეზოთერიკოსი ამბობს, რომ ვინც ეს პრაქტიკა გამოიყენა, საუკეთესო შედეგები მიიღო.

„ადამიანმა, ვინც ეს სიმბოლური რიტუალი გააკეთა, თვითონვე დამიდასტურა, რომ კარგი ცვლილებები ზედიზედ დაიწყო:

• სამსახურში ყურადღება მიაქციეს,
• მაღალ თანამდებობაზე გადაიყვანეს,
• კოლექტივი დაუმეგობრდა,
• ფინანსური მხარეც გააქტიურდა.

რიტუალი — მსუბუქი ენერგეტიკული მოქმედებაა წარმატებაზე

არანაირი „მძიმე მაგია“ — უბრალოდ სიმბოლური ნაბიჯი პოზიტიურ განწყობაზე.

რა დაგჭირდება:

• თეთრი ბრინჯი — სიუხვის სიმბოლო
• მარილი — არასასურველის გამწმენდი
• შაქარი — ტკბილი შედეგების სიმბოლო
• თეფში
• ინგლისური ქინძისთავი

როდის კეთდება: მზარდ მთვარეზე ან სავსემთვარეობაზე, მზის ჩასვლის შემდეგ.

როგორ გააკეთო:

1. დააყარე 3-3 სუფრის კოვზი მარილი, შაქარი და ბრინჯი ერთმანეთზე, ფენებად.
2. გახსენი ქინძისთავი და ჩაამაგრე ცენტრში.
3. თქვი ხმამაღლა:

„წარმატება ქინძისთავზე და ქინძისთავიდან - ჩემთან!“

1. დატოვე მთელი ღამით.
2. დილით ქინძისთავი ტანსაცმლის შიდა მხრიდან დაიმაგრე— როგორც შენი პირადი თილისმა.
3. ბრინჯი, მარილი და შაქარი გამოიტანე გარეთ და მიწაზე დაყარე მადლობის სიტყვით.

ეს მარტივი ენერგეტიკული მოქმედება რბილად, მაგრამ ძლიერად მუშაობს — იზიდავს კარგ მოვლენებს, სწორ ადამიანებს და იცავს უენერგიობისგან,“ - წერს თამუნა იოსელიანი.