რატომ უნდა დავლიოთ ქიშმიშიანი წყალი უზმოზე?

ქიშმიში ანუ ყურძნის ჩირი, ერთ-ერთი ყველაზე სასარგებლო ჩირია. ის გამოშრობისას, ყურძნის პრაქტიკულად ყველა სასარგებლო თვისებას ინარჩუნებს და ჩვენი ჯანმრთელობისათვის შეუცვლელი პროდუქტია.
ამჯერად ქიშმიშის მიღების ერთ-ერთ საკმაოდ პოპულარულ გზაზე გიამბობთ, რომელსაც ინდოელი ტრადიციული მედიცინის მიმდევარი და აიურვედას სპეციალისტი არუნ ხათრი გვთავაზობს.

"ქიშმიშის წყალი არის მარტივი აიურვედული დილის სასმელი, რომელიც ხელს უწყობს მონელებას და ნივთიერებათა ცვლას.

ღამით გაჟღენთილი ქიშმიში ააქტიურებს ბუნებრივ ნივთიერებებს, რომელთა ათვისებაც ორგანიზმის მიერ უფრო ადვილად ხდება.

• აუმჯობესებს მონელებას, კუჭის მჟავის, ნაღვლის და საჭმლის მომნელებელი ფერმენტების სტიმულაციით

• ხელს უწყობს ღვიძლის ფუნქციას და ბუნებრივ დეტოქს პროცესებს

• ეხმარება რკინის უკეთ ათვისებას და სისხლის ჯანმრთელ წარმოქმნას

• მდიდარია ანტიოქსიდანტებით რომლებიც ამცირებს ოქსიდაციურ სტრესს და აუმჯობესებს კანის მდგომარეობას

• ამცირებს შებერილობას და ხელს უწყობს ნაწლავების რეგულარულ მუშაობას

• იძლევა ბუნებრივ მსუბუქ ენერგიას

როგორ მოვამზადოთ ქიშმიშის წყალი?

აიღეთ 20–25 ქიშმიში უმჯობესია შავი ან ყავისფერი. კარგად გარეცხეთ. ღამით დაალბეთ ერთ ჭიქა სუფთა წყალში. დილით გადაწურეთ წყალი და მიიღეთ ცარიელ კუჭზე.

არ გამოიყენოთ თუ გაქვთ დიაბეტი ან სისხლში შაქრის კონტროლის პრობლემა,"-აფრთხილებს გამომწერებს არუნ ხათრი.