როგორ მოვიქცეთ გრიპის დროს? - პედიატრი ძმების რჩევები მშობლებს

გრიპი მწვავე ინფექციური დაავადებაა, რომელიც სასუნთქი გზების ანთებით ხასიათდება.

სურდო, მაღალი ტემპერატურა, უმადობა, ზოგჯერ ყელის ტკივილი - ეს ის სიმპტომებია, რომლებიც ჩვენს ბავშვს გრიპის დროს შეიძლება აწუხებდეს.

რა უნდა იცოდეს ყველა მშობელმა და როგორ მოვიქცეთ გრიპის დროს?

ZMNA.GE პედიატრი ძმების, დავით და კონსტანტინე ჩახუნაშვილების რჩევებს გაგაცნობთ.

პედიატრი ძმები:

პირველ რიგში გვახსოვდეს, რომ გრიპი ვირუსული ინფექციაა და მას ბავშვი სიმპტომური მკურნალობის საშუალებით გადალახავს.

მშობლებს კი ვურჩევთ გაითვალისწინონ რამდენიმე წესი.

1. მუდმივად აკონტროლეთ ცხელება. ტემპერატურა არეგულირეთ დამწევის საშუალებით.

2. მიაქციეთ ყურადღება, რომ არ დადგეს გაუწყლოვნება.
ბავშვმა ასაკის შესაბამისად უნდა მიიღოს სითხე - ფორმულის, წყლის, ბუნებრივი რძის ან ელექტროლიტების სახით.

3. მნიშვნელოვანია სუნთქვის სიხშირის კონტროლი. თუ სუნთქვის სიხშირე იზრდება, ეს ნიშნავს, რომ მდგომარეობა მძიმდება.

4. დატოვეთ ბავშვი სახლში მანამ, სანამ სიცხის გარეშე პერიოდი არ იქნება 24 საათზე მეტი, სიცხის დამწევის მიღების გარეშე.

5. მოერიდეთ ანტიბიოტიკების თვითნებურად გამოყენებას. ანტიბიოტიკებისა და ტამიფლუს გამოყენებისათვის აუცილებლად მიმართეთ პედიატრს.

და ბოლოს, თუ ბავშვს აღენიშნება სუნთქვის გაძნელება, გახშირება, ან არის 3 თვეზე მცირე ასაკის, აუცილებლად მიმართეთ ექიმს.