როგორ შევამჩნიოთ აუტიზმის ადრეული ნიშნები? - ფსიქოლოგის განმარტება

ბავშვის განვითარების პროცესი ინდივიდუალური და საინტერესო თავგადასავალია, თუმცა ამ გზაზე არსებობს გარკვეული ეტაპები, რომლებსაც მშობლებმა განსაკუთრებული ყურადღება უნდა მიაქციონ.

ხშირად სოციალური თუ კომუნიკაციური უნარების ჩამოყალიბებისას ვლინდება ნიშნები, რომლებიც შესაძლოა აუტისტური სპექტრის არსებობაზე მიგვითითებდეს. ადრეული დიაგნოსტიკა და სწორი მიდგომა გადამწყვეტია ბავშვის მომავალი ადაპტაციისა და სრულფასოვანი ცხოვრებისთვის.

როგორც ფსიქოლოგი ნათია ცირამუა განმარტავს, მშობლებს, ბავშვის ქცევაზე დაკვირვება, უკვე ადრეული ასაკიდან

„გარკვეული ნიშნები ერთი წლიდან უკვე ჩანს და ჩვენ შეგვიძლია, რომ ერთი წლიდან შევაფასოთ და ვისაუბროთ, რომ არის აუტისტური სპექტრისთვის დამახასიათებელი ნიშნები,“ - აღნიშნავს სპეციალისტი.

აი, ის ძირითადი ინდიკატორები, რომლებსაც ნათია ცირამუას განმარტებით, მშობელმა, ოჯახის წევრმა ან ბაღის აღმზრდელმა ყურადღება უნდა მიაქციოს.

• სახელზე არ

რეაგირებს;

• ღიმილზე არ გპასუხობს;
• თვალებში არ გიყურებს;
• აქვს რაღაცნაირი ერთფეროვანი, განმეორებადი ქცევები;
• უცნაური გარკვეული სენსორული ინტერესები, რაც იმ ასაკისთვის არ უნდა ჰქონდეს;
• ნაკლებად თამაშობს თანატოლებთან;
• ნაკლებად გიზიარებს (ემოციას/ნივთს);
• ნაკლებად არის კონტაქტური, თითქოს თავისთვის არის;
• ასევე საუბარი, მეტყველებაც არის ხოლმე ასაკთან შედარებით დაყოვნებული.

ინფორმირებულობა და პროფესიონალის ჩართულობა საუკეთესო საშუალებაა ბავშვის პოტენციალის მაქსიმალურად გამოსავლენად,"- ამბობს ფსიქოლოგი.