როგორ შევივსოთ რკინის დეფიციტი? - კვების ინსტრუქტორის რჩევები

რა როლი აკისრია რკინას ადამიანის ორგანიზმისთვის, როგორ მივხვდეთ რომ დეფიციტი გვაქვს და როგორ შევივსოთ ის კვებით?

ამ კითხვებზე პასუხს გამომწერებს კვების ინსტრუქტორი დალი ბედოშვილი უზიარებს.

„რკინა ერთ–ერთი ყველაზე მნიშვნელოვანი მინერალია ადამიანის ორგანიზმისთვის, თუმცა მისი დეფიციტი ორგანიზმში საკმაოდ გავრცელებულია. განსაკუთრებით ქალებში, ბავშვებსა და ასაკოვან ადამიანებში.

რა როლი აქვს რკინას ორგანიზმში?

• რკინა აუცილებელია ჰემოგლობინის წარმოქმნისთვის.
• ენერგიის გამომუშავებისთვის
• ტვინის, მეხსიერებისა და კონცენტრაციისთვის
• იმუნური სისტემის გამართულ მუშაობისთვის
• თმის, კანის და ფრჩხილების ჯანმრთელობისთვის

როცა რკინა საკმარისი არ არის, ორგანიზმი უბრალოდ „იღლება“.

როგორ მივხვდეთ, რომ რკინის დეფიციტი გვაქვს?

რკინის დეფიციტის ყველაზე გავრცელებული ნიშნებია:

• მუდმივი დაღლილობა და სისუსტე
• თავბრუსხვევა, თავის ტკივილი
• გულის ფრიალი მცირე დატვირთვაზეც
• სუნთქვის გაძნელება
• ფერმკრთალი კანი
• თმის ცვენა, მტვრევადი ფრჩხილები
• სიცივის შეგრძნება
• კონცენტრაციის დაქვეითება

როგორ შევივსოთ რკინა კვებით?

კვებით რკინის მიღება შეიძლება ორ ფორმით:

ჰემური რკინა (სჯობს აითვისოს ორგანიზმმა) - წითელი ხორციდან, ღვიძლიდან, ქათმის ხორციდან, თევზიდან...

არაჰემური რკინა (მცენარეული) - ოსპი, წიწიბურა, ისპანახი, ჭარხალი, ბროკოლი და მარცვლეული...

C ვიტამინი მნიშვნელოვნად აუმჯობესებს რკინის შეწოვას. ამიტომ რკინით მდიდარ საკვებს შეითავსეთ ლიმონი, ციტრუსები და ბულგარული წიწაკა...

რკინის შეწოვას ხელს უშლის:

• ჩაი და ყავა ჭამის შემდეგ
• კალციუმის ერთდროული მიღება
• ძალიან მკაცრი დიეტები
• საჭმლის მომნელებელი პრობლემები

რა შემთხვევაში მივმართოთ დანამატებს?

თუ დეფიციტი უკვე არსებობს, მხოლოდ კვება ყოველთვის საკმარისი არ არის.

ასეთ შემთხვევაში საჭირო ხდება რკინის დანამატები მიიღება. მხოლოდ ექიმის ან კონსულტანტის რეკომენდაციით," - წერს დალი ბედოშვილი.