როგორ შევხვდეთ ცეცხლოვანი ცხენის წელს?

აღმოსავლური შეხედულებების თანახმად, რაც უფრო კაშკაშა და ბრწყინვალე შეხვედრას მოვუწყობთ ცხენის წელს, მით უფრო მეტ წარმატებას და იღბალს მოგვიტანს იგი.

ფენ შუის სპეციალისტი ეკა კვარაცხელია გვირჩევს საახალწლო სამზადისისას გავითვალისწინოთ ცხენის არისტოკრატიული და მედიდური ბუნება.

„ცეცხლოვან ცხენის წელს სახლი მორთეთ წითელ და მბრწყინავ ფერებში. მდიდრული ელფერი შესამჩნევი უნდა იყოს.

ცხენი მედიდური, არისტოკრატული არსებაა და თუ ახალი წლის შეხვედრისას ამას გაითვალისწინებთ, მომავალი წელი წარმატებული, ხვავითა და ბარაქით სავსე გექნებათ.

სახლი მორთეთ წითელ, ოქროსფერ და მწვანე ფერებში. ჯანმრთელობასა და სიმშვიდეს მოგიტანთ ფანჯრის რაფაზე ახალი მწვანე ფოთლოვანი მცენარე.

გააფორმეთ სახლის დეკორი წითელი ლენტებით. სიმდიდრისა და სინატიფის შტრიხების დასაფიქსირებლად, აქტიურად გამოიყენეთ ატლასი, აბრეშუმი, ხავერდის ელემენტები...