რითი უნდა ისაუზმონ დიაბეტის მქონე ადამიანებმა - ექიმი მარინე ძაგნიძე გვირჩევს

ექიმი მარინე ძაგნიძე იმ რამდენიმე პროდუქტს ასახელებს, რომლებიც სისხლში შაქრის დონეს არეგულირებს.

ექიმი ამბობს, რომ დიაბეტის მქონე პაციენტებისათვის საუზმეზე ამ პროდუქტების მიღებაა სასურველი.

"უნდა მივიღოთ საუზმეზე იმისათვის, რომ სისხლში შაქრის დონე შევამციროთ?

პირველი პროდუქტი არის კვერცხი. კვერცხის ცილაში არის შეუცვლელი ამინომჟავები, ასევე ცილა,რომელიც სჭირდება ორგანიზმს. კვერცხის გულის მიღებით კი ჩათვალეთ, რომ მულტივიტამინს იღებთ.

კვერცხი ყველაზე დაბალანსებული პროდუქტია. მსუბუქად მოხარშული კვერცხი ის საკვებია, რომელიც აუცილებლად უნდა მიიღოთ დილით საუზმეზე.

ასევე სასურველია საუზმეზე მწვანე სალათის ფოთლებისა და მწვანილების მიღება. მათ შემადგენლობაში ჩვენი ჯანმრთელობისათვის აუცილებელი ძალიან მნიშვნელოვანი ნივთიერებები შედის.

შემდეგი პროდუქტია საქონლის ხორცი, ვაკონკრეტებ - ბალახზე გაზრდილი საქონლის ხორცი ან თევზი.

და ბოლოს, კიდევ ერთი პროდუქტი, რომელიც უნდა მიიღოთ დიაბეტის დასარეგულირებლად არის წყალი, მასში გახსნილი 1 კოვზი ვაშლის ძმრით.

ეს სითხე არეგულირებს შაქრის დონესაც და არის ჩვენი ენერგიის დამაბალანსებელიც,“- ამბობს ექიმი.