საზოგადოება
ტექსტის ზომის შეცვლა
+
-
26 იანვარს ელდარ შენგელაია 93 წლის გახდებოდა. პირველი დაბადების დღეა, ახლობლები და ოჯახის წევრები, მის გარეშე რომ შეხვდნენ.
იმედა კახიანმა"ზმნასთან" თავის დიდი ხნის მეგობარზე ბევრი ისაუბრა. მათ შორის, შეეხო იმ ტრაგედიას, რომელიც რეჟისორს თავს დაატყდა. მას ქალიშვილი ავტოავარიაში გარდაეცვალა... ამ ტკივილით იცხოვრა, თუმცა ეს თავს არავისთვის მოუხვევია. ამ უბედური შემთხვევის შემდეგ, ხშირად ხედავდნენ შვილის საფლავზე. მოხდა მისი პიროვნული ტრანსფორმაციაც...
იმედა კახიანი: ტრაგედიები არ აკლდა. ჯერ ახალგაზრდა მშობლები დაკარგა და მერე 23 წლის ქალიშვილი ავტოკატასტროფაში დაეღუპა. ანგელოზივით გოგო, ელენე...
ელდარმა მანქანა უყიდა. ელენე გავიდა და ავარიაში მოჰყვა... შემთხვევის ადგილას მილიცია მივიდა. ჩაისვეს მანქანაში და წაიყვანეს საავადმყოფოში. ადგილი არ გვაქვსო ერთ კლინიკაში უთხრეს, მერე მეორეში, მესამეში... ასე მოატარეს კლინიკები. ბოლოს სადღაც მიიღეს, მაგრამ დაგვიანებული იყო... უცნაური გოგო იყო. ერთი რომ ეთქვა, ელდარ შენგელაიას შვილი ვარო, საავადმყოფოში აუცილებლად მიიღებდნენ. არც სახლში დაურეკავს. მოკლედ, ამ სიარულში დაიღუპა.
01/27/2026