რომელ ხელზე უნდა გავიზომოთ არტერიული წნევა? - ექიმის რჩევები

ბევრ ჩვენგანს ჰგონია, რომ არტერიული წნევის გაზომვა უმარტივესი პროცედურაა, რომელიც განსაკუთრებულ ცოდნას არ მოითხოვს, თუმცა რეალობა სხვაგვარია.

არასწორად შერჩეულმა ხელმა ან გაზომვის არასწორმა ტექნიკამ, შესაძლოა მცდარი ციფრები მოგვცეს, რაც საბოლოოდ არასწორი მკურნალობის მიზეზი ხდება.

იცოდით, რომ წნევის მაჩვენებლებს შორის სხვაობა მარჯვენა და მარცხენა ხელზე ზოგჯერ არა მხოლოდ ფიზიოლოგიური თავისებურება, არამედ სერიოზული სისხლძარღვოვანი დაავადების პირველი ნიშანია?

ექიმი გიორგი ღოღობერიძე არტერიული წნევის გაზომვის “ოქროს წესების” შესახებ:

„არც ისე იშვიათია, რომ ადამიანებმა არ იციან, რომელ ხელზე უნდა გაიზომონ წნევა - მარცხენაზე თუ მარჯვენაზე? დაიმახსოვრე სამი ოქროს წესი:

1. დასაწყისში გაიზომე ორივე ხელზე თავიდან, როცა იწყებ წნევის შემოწმებას, უმჯობესია გააკეთო ორივე ხელზე- როგორც მარცხენაზე, ასევე მარჯვენაზე... და თან რამდენჯერმე.
2. 2. აირჩიე უფრო მაღალი მაჩვენებელი თუ აღმოჩნდება, რომ ერთ-ერთ ხელზე უფრო მაღალი წნევა გაქვს, ვიდრე მეორეზე, მაშინ ჯობს, რომ შემდგომი შემოწმებები გააკეთო სწორედ იმ ხელზე, სადაც უფრო მაღალი წნევა იყო. მაგალითად: თუ მარცხენა ხელზე წნევაა 130/80, ხოლო მარჯვენაზე — 150/80, ამ შემთხვევაში მარჯვენა ხელზე არსებული ციფრები უნდა მივიჩნიოთ წნევის სწორ მაჩვენებლად.

3. ყურადღება მიაქციე სხვაობას! დაიმახსოვრე: თუ კიდურებს შორის სხვაობა სისტოლურ წნევაში (ზედა წნევა) არის 15 ერთეულზე მეტი, ამ შემთხვევაში უნდა მიმართო კარდიოლოგს აუცილებლად! აქ შეიძლება იყოს სერიოზული სისხლძარღვოვანი დაავადებები და მათი უყურადღებოდ დატოვება არ შეიძლება. ამ შემთხვევაში შეიძლება დაგჭირდეს დოპლეროგრაფიული ან ანგიოგრაფიული გამოკვლევა. ასე რომ, კარდიოლოგი აუცილებლად ნახე,”- გვირჩევს ექიმი.