"საბერძნეთიდან დამირეკეს" - მამა პაისის მოძღვარი, მამა ტიხონი წმინდანად შეირაცხა
02/11/2026
მსოფლიო საპატრიარქომ დღეს, 11 თებერვალს, მამა პაისის მოძღვარი, ათონის წმინდა მთის უდიდესი მოღვაწე, ასკეტი ბერი, მამა ტიხონ კაფსალელი წმინდანად შერაცხა და მას წმინდა ტიხონ ათონელი უწოდა - ამ ინფორმაციას რელიგიური გვერდი "სარწმუნოება, ფოტო და ვიდეო არქივი" ავრცელებს.
წმინდა ტიხონმა 60 წელი იცხოვრა ათონის წმინდა მთაზე. იგი გახლდათ სიყვარულის მოძღვარი, თავდაბალი და ასკეტი მოღვაწე.
ალექსი მოსიაშვილი: საბერძნეთიდან დამირეკეს და მითხრეს, რომ მსოფლიო საპატრიარქოს მიერ, მამა ტიხონი დღეიდან შეირაცხა და კანონიზირდა წმინდანად. ის ამიერიდან მოიხსენიება წმინდა ტიხონად. როდის იქნება მისი ხსენების დღე, ამ და სხვა დეტალებს შეგატყობინებთ.
შეგეწიოთ და გიშუამდგომლოთ ღვთის წინაშე. წმინდა მამა პაისისთან და მამა არსენისთან ერთად დაგიფაროთ და გაგახაროთ...
წმინდა ტიხონის ლოცვა შეგვეწიოს.
გააზიარე სტატია