შავი ქლიავის კაკაოიანი ჯემი - "ნუთელას" ჯანსაღი ალტერნატივა

შეფი ნინო თვალავაძე შავი ქლიავის ძალზედ საინტერესო ჯემის რეცეპტს გვიზიარებს.

"ყველაზე პიკანტური გემოს ჯემი, რაც კი ცხოვრებაში მომიდუღებია. შავი ქლიავის და კაკაოს კომბინაცია საოცრება აღმოჩნდა" - ამბობს ნინო.

კურკაგამოცლილ ქლიავს ვაყრით შაქარს, კაკაოს და ვანილს და ვტოვებთ მთელი ღამის განმავლობაში. დილით ვათავსებთ დაბალ ცეცხლზე და პერიოდულად ვურევთ. შემდეგ მასას დავაბლენდერებთ. ბოლოს ვამატებთ რომს, მარილს და ლიმონის წვენს. 5 წუთით ისევ ვადუღებთ და ჯემი ზადაა. ვფიქრობ, ეს ჯემი ნუთელას შედარებით ჯანსაღი ალტერნატივაა და მის ჩანაცვლებას შეძლებთ.

რეცეპტი დეტალებით

1 კგ დაჭრილ ქლიავს ვაყრით 1 კგ შაქრისა და 3–4 სუფრის კოვზი კაკაოს ნარევს, ვასხამთ 2 სუფრის კოვზ ლიმონის წვენს და ვტოვებთ 1–2 საათი, ან მთელი ღამე,რომ უხვად გამოღოს წვენი.

ხარშვა და დაბლენდერება: ვდგამთ დაბალ ცეცხლზე, ადუღებიდან 20 წუთი ვხარშავთ, შემდეგ გადმოვდგამთ და ხელის ბლენდერით ვაქცევთ ერთგვაროვან მასად.

საბოლოო ეტაპი: ვაბრუნებთ ცეცხლზე, უწყვეტი რევით ვადუღებთ კიდევ 5–7 წუთი, ვამატებთ ლიმონის წვენს, გამორთვისთანავე კი ვამატებთ 1 ჩაის კოვზ ვანილს და 2–3 სუფრის კოვზ რომს

ზამთრისთვის: ცხელსვე ვასხამთ ცხელ, სტერილიზებულ ქილებში, ვტოვებთ სრულ გაცივებამდე.

ვიდეო