შეიძლება თუ არა დაბანა ინფექციური დაავადების დროს?

დაბანასთან დაკავშირებით საზოგადოებაში არაერთი მცდარი წარმოდგენა არსებობს. განსაკუთრებით გავრცელებულია მითი იმის შესახებ, რომ ავადმყოფობისას წყალი კანს „აღიზიანებს“ ან მდგომარეობას ამძიმებს.

სინამდვილეში კი, ჰიგიენის დაცვა ხშირად სწორედ გართულებების თავიდან აცილებისთვისაა მნიშვნელოვანი. ინფექციონისტი მაია ბუწაშვილი განმარტავს, რატომ არ არის დაბანა აკრძალული და რა წესები უნდა დავიცვათ ამ დროს.

"არ არსებობს ისეთი ინფექციური დაავადება (და ზოგადად გამონაყარი), რომლის დროსაც დაბანა არ შეიძლება.

არადა, პაციენტებისგან ეს ერთ-ერთი ყველაზე ხშირი შეკითხვაა.

დაბანა შეიძლება და პირიქით, აუცილებელია!!!

დაბანა აუცილებელი თუნდაც მეორადი, ანუ თანდართული ინფექციის თავიდან ასაცილებლად.

უბრალოდ:

• დაბანა რეკომენდებულია თბილი (და არა ძალიან ცხელი) წყლით;
• გამოვიყენოთ ჰიპოალერგიული, ნაზი დასაბანი გელი;
• გავიმშრალოთ პირსახოცის შეხებით და არა კანის გახეხვით;
• ყოველ დაბანაზე გამოვიყენოთ გარეცხილი (ანუ მანამდე გამოუყენებელი) პირსახოცი," - გვირჩევს ინფექციონისტი.