"შემეშინდა, რომ გავფუჭდებოდი და დამპალი ტიპი გავხდებოდი" - ირაკლი კაკაბაძე

მწერალმა და პუბლიცისტმა ირაკლი კაკაბაძემ გადაცემაში „პირველი სტუდია“ საკუთარი ახალგაზრდობა და ის დრო გაიხსენა, როცა ძალაუფლებასთან ძალიან ახლოს იყო.

„ძალიან ადრეულ ასაკში მომიწია ძალაუფლებასთან ახლოს ყოფნა.

მერე რატომღაც გამოვერიდე ძალაუფლებას. არ წავედი მაკბეტის გზაზე და ახლა ამით კმაყოფილი ვარ.

გამოვერიდე ძალაუფლებას ინსტინქტურად... ძალიან არ მომეწონა იქ რაც ხდებოდა და სიმართლეს გეტყვი, შემეშინდა კიდევაც.

იმის კი არ შემეშინდა, რომ ან მომკლავდნენ ან რამე... შემეშინდა, რომ გავფუჭდებოდი და დამპალი ტიპი გავხდებოდი...

ვიფიქრე, რომ არ შემიძლია ეს და წამოვედი...

ეს არ ნიშნავს, რომ ახლა კაი ტიპი ვარ, მაგრამ იქ რომ ვყოფილიყავი ბევრადა უარესი ვიქნებოდი,“ - თქვა კაკაბაძემ.