შვილმკვდარი დედა, რომელმაც შვილის წლისთავის თანხა, სინდისის პატიმრებს გადასცა

ნინო გელდიაშვილი, ეს გახლავთ ქალბატონი, რომელმაც თავისი შვილის წლისთავი, სუფრით არ აღნიშნა და ის თანხა, მთლიანად გადასცა სინდისის პატიმრებს.

გუშინ ქალბატონი ნინო შაბათის მარშის მონაწილე იყო და ამ უდიდეს ჰუმანურ ფაქტზე, თავად გააკეთა კომენტარი.

ნინო გელდიაშვილი: გახლდით შაბათის მარშზე და ჩემი შვილის სახელით, გიორგის წლისთავის თანხა გადაეცა სინდისის პატიმრებს, რათა მოხმარდეთ მათ, ვისაც სჭირდება, სოციალურად დაუცველებს, მათ პატარა შვილებს და ასე შემდეგ.

მინდა გიორგიმ, რომელიც აღარ არის ცოცხალი, წვლილი შეიტანოს საქართველოს უკეთესი მომავლისთვის, ევრო ატლანტიკური მომავლისთვის...

მე, როგორც დედა, ყველა სინდისის პატიმარ ვგულშემატკივრობ.

მე ყოველთვის ვაკეთებდი, ვაკეთებ და გავაკეთებ იმას, რასაც საჭიროდ ჩავთვლი!

***

ექიმი ანესთეზიოლოგის, გიორგი გელდიაშვილის გარდაცვალებიდან ერთი წელი გავიდა. ახალგაზრდა ექიმი ნარკოტიკის ზედოზირებით გარდაიცვალა. გიორგის დედა, ნინო გელდიაშვილი ღიად საუბრობდა შვილის ნარკოდამოკიდებულებაზე და ვიდეომიმართვაში აღნიშნავდა, რომ მისი შვილი, გიორგი, ნიჭიერი ადამიანი იყო, რომელიც ბავშვობიდან გამოირჩეოდა უნარებით. თუმცა, მისი სისუსტე და ნარკოტიკებთან დაკავშირებული პრობლემები, ტრაგიკულად დასრულდა.

ნინო გელდიაშვილი: მე არ ვი­კად­რებ ტყუ­ილს და არ ვი­ტყვი, გუ­ლის პრობ­ლე­მე­ბი ჰქონ­და, უე­ცა­რი თრომ­ბის ბრა­ლია და ა.შ. სი­მარ­თლეს თუ დავ­მა­ლავთ, მა­შინ ვერც პრობ­ლე­მას და ბო­რო­ტე­ბას შე­ვებ­რძო­ლე­ბით. მე კი მთე­ლი ჩემი დარ­ჩე­ნი­ლი ხან­მოკ­ლე ცხოვ­რე­ბა ე.წ. ბა­რი­გებ­თან ბრძო­ლას მო­ვახ­მარ, თუნ­დაც მომ­კლან, რო­გორც ეს ჩემი შვი­ლის ერთ-ერ­თმა მკვლელ­მა მი­თხრა. ის ვე­რა­სო­დეს მიხ­ვდე­ბა, რომ ჩემ­თვის სიკ­ვდი­ლი შვე­ბაა. მაგ­რამ გა­ხა­რე­ბუ­ლი მოვ­კვდე­ბი, თუ დე­დებს, რამ­დენ­საც შევ­ძლებ, ჩემს უკი­დე­გა­ნო ტკი­ვილს ავა­ცი­ლებ.