"სულ მიკვირდა, გარდაცვლილ ადამიანებს, სოციალურ ქსელებში რომ სწერდნენ. ახლა მივხვდი..." - დონარა გვრიტიშვილს ქალიშვილი იხსენებს

დონარა გვრიტიშვილის ქალიშვილი, ხატია ხოსროშვილი სოციალურ ქსელში დედას მიმართავს და მის ფოტოებს აქვეყნებს. მსახიობი 23 ოქტომბერს გარდაიცვალა. გახსოვთ, ალბათ, სიკვდილის წინ, პატიმარი შვილის ნახვას რომ ითხოვდა... სურვილი აისრულა და მშვიდად წავიდა მარადისობაში.

ხატია კი ფეისბუქზდე წერს:

"სულ მიკვირდა, გარდაცვლილ ადამიანებს სოციალურ ქსელებში რომ სწერდნენ. ახლა მივხვდი, ამოთქმისთვის, საკუთარი თავისთვის გინდა უთხრა, რომ გიყვარს და გჭირდება.

სულ ერთია, სადაა ხიდი ჩვენს სამყაროებს შორის, ჩემს შინაგან ბავშვს ისევ ისე სჭირდები... სულ ასეთი ციმციმა იქნები ჩემთვის და ბოლო დროს შენს თვალებში ჩამდგარ სევდიან სიყვარულშიც სულ გავთბები.

მიყვარხარ, ჩემო პატარა დედიკო, ღირსეულო და მშვენიერო სულო.

გილოცავ დედის დღეს"...