"ვინც ჩემი ცხვირის გასწორებას თავზე აიღებს, მილიონ დოლარს გადავუხდიო" - ციცინო შურღაია ჯექსონის წერილზე
06/04/2026
ციცინო შურღაია "ფორტუნასთვის" ორი წლის წინ მიცემულ ვიდეოინტერვიუში ჰყვება ფაქტზე, რა დროსაც ის რუსეთში ცხოვრებისას მსოფლიო ვარსკვლავის, მაიკლ ჯექსონი სახელს გადაეკვეთა. გარეგნული ცვლილებებით გართულ ჯექსონს, როცა უკვე 40-მდე პლასტიკური ოპერაცია ჰქონდა გაკეთებული და ცხვირზე პრობლემა შეექმნა, მსოფლიოს მასშტაბით, კლინიკებში დაგზავნა წერილები...
ციცინო შურღაია: კლინიკის დირექტორი დილის კონფერენციაზე ხსნის წერილს, რომელიც მაიკლ ჯექსონის აგენტმა მსოფლიოს ყველა წამყვან კლინიკაში გადააგზავნა, მათ შორის - მოსკოვში ჩვენთან; მე მოსკოვში წამყვან კლინიკაში ვმუშაობდი, იმის იქით კლინიკა აღარ იყო. ვინც ჩემი ცხვირის გასწორებას თავზე აიღებს, მილიონ დოლარს გადავუხდიო, ეწერა წერილში.
25 წლის წინანდელ ამბავს ვყვები.
თუ მაგარი ხართ, გამოიმუშავეთ მილიონი დოლარიო, დირექტორმა თქვა.
მანამდე იაპონიაში ვსწავლობდი, კონფერენცია იყო, სადაც ერთმა ქირურგმა განიხილა ჯექსონის ოპერაციები. მესამე ოპერაციის შემდეგ მაიკლს ჰქონდა გენიალური შედეგი. ის იყო პლასტიკური ქირურგიის ყველაზე პოპულარული პაციენტი. არაფრით არ კმაყოფილდებოდა შედეგით და იკეთებდა და იკეთებდა ოპერაციებს. ეუბნებოდნენ, რომ შეიძლება გართულდეს, მაგრამ ხელს აწერდა და უნდოდა გაეკეთებინა ოპერაცია. ეძებდა, ეძებდა რაღაცას და ბოლოს მიიღო ის, რაც მიიღო. დაკარგა ცხვირი. სწორედ იმ პერიოდში დაიგზავნა კლინიკებში მისი წერილი.
გააზიარე სტატია