ყვავილი, რომელიც მხოლოდ ერთხელ ყვავის

Amorphophallus titanum – იგივე „ცხედრის ყვავილი“ ის მცენარეა, რომელიც თავისი სიცოცხლის განმავლობაში მხოლოდ ერთხელ ყვავის.

ის წლების განმავლობაში აგროვებს ენერგიას მიწისქვეშა უზარმაზარ ბოლქვში და ასაყვავებლად შესაძლოა 10, 20, ზოგჯერ 40 წელიც კი დასჭირდეს.

როცა ბოლოს და ბოლოს მცენარე აყვავდება, ეს პროცესი მხოლოდ 2–3 დღე გრძელდება, შემდეგ კი მცენარე ნელ-ნელა კვდება.

Amorphophallus titanum რეკორდსმენი მცენარეა. მას მსოფლიოში ყველაზე დიდი ყვავილედი აქვს და სიმაღლით ზოგჯერ 3 მეტრს აღწევს. თუმცა მთავარი მოვლენა მისი ყვავილობაა. მცენარის ერთი ყვავილობა საკმარისია, რომ ბოტანიკური ბაღები ხალხით გადაივსოს.

უცნაურია ის მიზეზიც, რის გამოც ყვავილს „ცხედრის ყვავილს“ ეძახიან. საქმე იმაშია, რომ ყვავილობის დროს მცენარე გამოყოფს სუნს, რომელიც ძალიან ჰგავს დამპალი ხორცის სუნს.

ეს არ არის შემთხვევითი. ბუნებამ ისე მოაწყო, რომ ყვავილმა არა ფუტკრები, არამედ ბუზები, ხოჭოები და ის მწერები მიიზიდოს, რომლებსაც ლპობა იზიდავთ.

„ცხედრის ყვავილის“ სამშობლო ინდონეზიის ტროპიკული ტყეებია.მისი ყვავილობა კი ხშირად ხდება მსოფლიოს წამყვან ბოტანიკურ ბაღებში, სადაც ხალხი საათობით ელოდება ამ იშვიათ მომენტს.