"ყველაფერი ერთმანეთის მიყოლებით მოგვარდება" - მამა პაისი კვირაობით ტაძარში სიარულზე

მეოცე საუკუნის დიდი წმინდა მამა - პაისი ათონელი მრავალი ქრისტიანის ნუგეშია ისევე, როგორც ჩვენი მამა გაბრიელი. ამ კეთილ ბერძენ ბერზე სერიალიც იხილა ქართველმა მაყურებელმა და ის კიდევ უფრო შეიყვარა.

რას ამბობდა ის კვირაობით ტაძარში სიარულის აუცილებლობაზე:

ერთ დღეს, მამა პაისისთან მივიდა კაცი, რომელსაც მრავალი პრობლემა ჰქონდა და უთხრა:
„მამაო, მე ესა და ეს მჭირს, მითხარი, რა ვქნა?“

ბერმა ჰკითხა: „წირვაზე თუ დადიხარ?“
„არა.“
„ესე იგი, ამიერიდან ყოველ კვირას წახვალ.“
„კარგი, მაგრამ ჩემი პრობლემებს რა ეშველება?“ მას თემის შეცვლა სურდა.
„გააკეთე ის, რაც გითხარი და მერე ნახავ. წახვალ წმინდა ლიტურგიაზე.“
„დიახ, მაგრამ მე მაქვს ის პრობლემები, რაც გითხარი!“
„გააკეთე რაც გითხარი და დაინახავ!“

წმინდა მთიდან სახლში ცოტა განაწყენებული დაბრუნდა და თქვა: „ამდენი გზა გავიარე და ბოლოს, ბერმა პაისიმ მითხრა ის, რაც ისედაც ვიცოდი: წადი ეკლესიაში! კარგი, ეს რა არის?“ უნდა მივსულიყავი მამა პაისისთან, რომ ეს ეთქვა? კარგი, ისე მოვიქცევი, როგორც მან თქვა.“

მან ეკლესიაში სიარული დაიწყო და ოჯახში და სამსახურში არსებული პრობლემები თანდათან მოგვარდა. ამან გააკვირვა იგი. წელიწადნახევრის შემდეგ მან დაინახა, რომ ბევრი რამ დალაგდა და ისევ წმინდა მთაზე წავიდა. ნახვისას მამა პაისიმ ჰკითხა:
„ეკლესიაში დადიხარ, როგორც გითხარი?“
„მეც დავდივარ, მამაო, და ყველაფერი დალაგდა ჩემთვის. მინდა ამიხსნა, როგორ მოხდა ეს?“

ბერმა უთხრა:
„შვილო ჩემო, როცა ეკლესიაში დადიხარ, ღმერთს ურიგდები. და როცა მას შეურიგდი, ნუთუ არ გესმის, რომ ის ყველა სიკეთეს მოგანიჭებს? ჩემთან მოსვლამდე ღმერთთან კარგი ურთიერთობა არ გქონდა და მას ეწინააღმდეგებოდი, შორს იყავი მისგან. და მე ყველაფრის ძირი გითხარი: თუ ღმერთთან შერიგდები, ყველაფერი დანარჩენი, ერთმანეთის მიყოლებით, მოგვარდება. შენი პრობლემები ამიტომაც მოგვარდა."