ზუგდიდის და ცაიშის მიტროპოლიტმა გერასიმემ ლანა ლატარიას სულის მოსახსენიებელი პანაშვიდი აღავლინა

ზუგდიდის და ცაიშის მიტროპოლიტმა გერასიმემ, ეპარქიის სამღვდელოებასთან ერთად ლანა ლატარიას სულის მოსახსენიებელი პანაშვიდი აღავლინა.

მიტროპოლიტმა გარდაცვლილის სულის საოხად ილოცა და ოჯახის წევრებს, ახლობლებსა და დამსწრეებს სამძიმარი გამოუცხადა.

პანაშვიდს ესწრებოდნენ ლანა ლატარიას ოჯახის წევრები, ნათესავები, მეგობრები და მოქალაქეები, რომლებმაც მისი ხსოვნა პატივით გაიხსენეს. სასულიერო მსახურების დასრულების შემდეგ დამსწრეებმა გარდაცვლილის სულისთვის სანთლები დაანთეს და კიდევ ერთხელ გამოხატეს თანაგრძნობა ოჯახის მიმართ.

" ამა წლის 5 აგვისტოს ზუგდიდისა და ცაიშის მიტროპოლიტი გერასიმე ეპარქიის სამღვდელოებასთან ერთად იმყოფებოდა ლანა ლატარიას სახლში, მის ოჯახს მიუსამძიმრა და გარდაცვლილის სულის საოხად პანაშვიდი აღავლინა.

ზუგდიდისა და ცაიშის ეპარქია საზოგადოებას სთხოვს, რომ თავი შეიკავოს კომენტარებისაგან და ვილოცოთ ლანა ლატარიას სულის ცხონებისთვის," - ვკითხულობთ ეპარქიის მიერ გავრცელებულ ინფორმაციაში.